維修座廁水箱日記

1. 廁所設計考慮~

圖中的一體式廁所， 水箱和座廁痴埋，會令到維修較易壞的水箱時較牙煙， 唔夠位， 要成個廁所拆左先整到， 粒螺絲又通常生鏽， 拆完又要配， 如果周圍冇岩嘅五金舖， 香港師父1來1回， 會十分之唔符合成本效益。

2. . 巿場維修物料情況考慮~...how to digitalize purchasing process to achieve saving resources

* 其實， 買料時， 舖頭入store record可以用JavaScript寫spreadsheet， 對方用手機落貨， 店舖老闆入完store record就自動比個whatsapp/ email客戶， 寫底買左嘅型號同尺寸(e.g. 家具 潔具 座廁 xx) ， 比客人揾下一手師傅果陣參考， 咁維修會有效率同清晰好多。 過排我學完個JavaScript玩下先。又或者好多網購本身就有呢個function

* 網購平台同牌子會平好多， 可以盡量唔駛落舖頭， skip左舖頭果環， 唔駛比地主食， 好似淘寶咁。

* 買物料上， 你塊膠墊老化， 或沖廁水制壞左，連師傅費， 間間舖都谷你成個廁芯波曲換， 師傅又會谷你成個座廁換(佢話買唔到~.~) , 成件事係會產生好多金錢收益， 但都可以算係資源災難。 網店其實可以將物料部件分開賣， 咁其實係為左個社會好。

3. 收費考慮

其實維修應該分為大工(約750*2) 同中工(約600*2) 價錢，唔剩係為師傅分， 維修性質本身都可以分， 再分開半工價錢， 咁成個計價會透明好多， 而到底幾多工做得完， 就係師父嘅實力問題(呢個變數好大， 所以好多工程估價會有好大變數。

4. 大廈責任考慮

邏輯上， 屋企咸水制前， 就係大廈嘅， 其實咸水制如果係因為塞左而壞， 都應該係大廈嘅， 因為大廈供水唔夠乾淨。不過實際情況複雜好多， 各方有利益考慮， 同責任考慮， 好難ideal咁處理。

5. 做補習社和水喉佬計價比較

做補習社來講， 4粒鐘可能等於維修佬1粒鐘嘅價格， 不過維修變數多好多， 好多有實力嘅師傅做完就可以去玩， 又或者狂做， 早日收租退休。

Ideal嘅補習社system仲懶懶閒咁整緊， 以我學歷成績，如果唔扮好勁， 做補師會收2流價格， 咁當然， 大叔係扮唔到勁嘅， 因為大肚腩唔准許， 不過我相信我教到有用嘅學生， 否則就不會對做補師有興趣喇。

咁當然， 我係唔會兼職任何工作啦。

今次師傅仔個case,  本來收半工， 不過做完冇水到， 冇信心， 再減左1半。 (感覺認低威你就被收皮)